Eksport partiyasi uchun quritilgan mevalar yetkazib berish

Polshaga eksport partiyasini shakllantirish uchun joriy yil hosilidan quritilgan mevalar sotib olinadi. Umumiy hajm — 420 tonna, uch partiyada yetkazib beriladi.

Nomenklatura:

• «Qandak» navli o‘rik qoqi, kalibr 30/40 — 180 tonna;
• och rangli «Soyagi» mayizi — 150 tonna;
• danaksiz olxo‘ri qoqi — 90 tonna.

Majburiy talablar: namlik 18% dan yuqori bo‘lmasligi, oltingugurt dioksidi qoldiqlari Yevropa Ittifoqi me’yorlaridan oshmasligi, har bir partiya uchun akkreditatsiyalangan laboratoriya sinov bayonnomasi. Qadoqlash — yevropalletlarda 10 kg li karton qutilar. Qabul qilish Zarbdor tumanidagi omborda, qutilarning 5 foizini tanlab ochish bilan amalga oshiriladi. To‘lov qabul qilingandan keyin besh bank kuni ichida.